Über uns

Wiehnachts-Rundbreif 2021

Chasmar, in’n Dezembere 2021

 Laawe Leuje,

alle weer is aan Joahr varbee un dütt varrückete Virus hätt össek ümmer noch in’n Chriff! Hauptssächlick doarümme, weil sseck ssaan Tropp biesterije Je’deerzen nech impen loot’n wüllt, mott dat chanze Land doarunder laborier’n! Kucket doatau moal in uuse „Houmpeetsch“ www.plattdeutschforum.de bee Jeschichten, Themoa: „Ssinn jee alle impet?“

Ssau konn’n wee össek nich jebührend dreepen un ock dä Vorlesewettbewarb for dä Schaulkindere un aanije „Freedach iss Plattdach“-Axion’n mossten uutbliewen.

Chaut e’schaffet hoot wee uuse dijitoalet Woorebauk! Dä Bauksstoabens wörn vardäält un dä Woore bee Hillebrandt’s Andreasse int Mikrofon inne’ssprooken, ssaawoll dä Chöttingschen as ock dä Noorthaamschen. Alle Z – Woore ssinn in’ner Excel – Tabell’n ’elannet un allet is te’ssamm’n ’ekoom’n, doamee datt ett int Internet innssettet weer’n kann.

Oalesser Schaulkindere hoot under Federführunge von Rummenhohl’s Annett`n ennen Platt – „Räpp“ upp dä Baane sstellt. Kucket ock heertau in uuse „Houmpeetsch“ bee ‚Aktuelles’ un höärt jöck dat Warkes an. Hoot sse chaut e’mooket!

Bee dä Landeschoar’n-Schau in Bad Chanderssen (wat nächstet Joahr stattfinn’n ssolle un nu woahrschienlich varschuub’m werd), ssinn wee anne’meld’ under dä Rubrike „Chreunet Klassenzimmer“ met dän Themoa: „Sspeelen upp Platt“.

80 Brockens Leewen, Hoachdüütsch von Chrundmann’s Dirk, worn haamlick von ssesstahn Leujen, mehrstendäls von „Kerken underwejens“ , int Plattdüütsch owerdroaren un öhne in enn’n speziell’n Chottesdienst in’ner Kerken in Höckeln präsenteert! Haa wass ssau owerwältijet, dat haa chliek 150 Stück, un intwischen nochmoal 50 Stück, hätt drucken loot’n. An’n ersten Dezembere hoot Dirk un eck in enner Zoom-Lesunge met sseebenuntwintich Däälnöhmers doarut voar’elesen.

En Archiv for Plattdüütsche Bäukere kümmt in Chang! Un zwoarst bee Dr. Lehmbarch von’ne Uni in’n Krüüzbarchring in Chöttingen. Kröömet schon moal jowwe Literatur t’rechte! Nächere Meedälunge doatau koomet looter in’n nejjen Joahre.

Ssau, laawe Plattdüütschen, bliewet jessund, froahe Wiehnachten un koomet chaut noah twaaduusenduntwaantwintich, wo wee össek hoffentlick weer dreep’n köönt!!!

 Jowwe Schroa`rs Ernst uut Chöttingen – Chaasmar

Wiehnachts-Rundbreif 2021

Sülbke, in’n Dezembere 2021

 Leiwe Lui'e,

all wier is aon Joahr varboi un dütt varrückete Virus hätt ösch jümmer noch in Jriff! Hauptsächlich doarümme,weil seck söo'n Tropp biesterije Minnschen nech impen loat'n wüllt mött dat chanze Land doarunder laboriern! Kucket datöo moa in iuse ,,Houmpeetsch'' www.plattdeutschforum.de boi Jeschicht'n,.. Themoa: „Sind joi all alle impet?“

Söo konn woi ösch nich jebührend dreepn un auk dei Vorrlesewettbewerb forr de Schöolekindere un aanije ,, Freedach iss Plattdach''-Axion'n mosst'n iutbloim.

Jöo't eschaffet häbbet woi iuse dijitoalet Wuureböok! Dei Böokstoam würn verdäält un dei Wuure boi Hillebrandt’s Andreas int Mikrofon inne'sprooken, söowoll dei Jöttinger as auk dei Noortschen. Alle Z-Wuure sind inn'ner Exel -Tabell'n ’elandet un allet is töohaupe koom, doamie ett in’t Internet innessettet weer’n kann.

Oalesser Schöolekindere häbbet under der Fedderführunge von Rummenhohl’s Annette enn Platt-,,Räpp'' upp de Bääne stellt. Kucket auk hoi'ertöo in iuse ,,Houmpeetsch'' boi „Aktuelles“ un höoret jöck dat Warkes an.Häbbet de göot e’moaket!

Boi de Lannesgoarn-Schau in Bad Ganderssen (wat upp'et Joahr stattfinn’n ssolle un nu woahrschienlich verschuub’m werd) sin'n woi annemeld under der Rubrik ,,Groinet Klassenzimmer'' mie den Themoa: „Speel’n upp Platt“.

80 Brockens Lie'm, Hauchduitsch von Pastur Grundmann’s Dirk, wurn haamlich von sesstähn Lui'en, mährstendäls von ,,Plattduitsche Kerken underwejens'' int Plattduitsche owersettet un ühne in enn'n speziell'n Gottesdeinst in der Kerken in Höckeln präsenteert! Hei wass söo owerwältijet,dat hei gloik 150 Stück, un intwischen nochemoal 50 Stück, hätt drucken loat'n. An ierst'n Dezembere häbbet Dirk un Ernst in einer Zoom-Lesunge mie sebbenuntwintich Däälnöhmers dariut vorrelesen.

En Archiv forr Plattduitsche Boikere kümmt in Chang - boi Dr. Lehmbarch in’n Kruizbarchring boi der Uni in Jöttingen. Kroamet all moa jü'e Literatür töo'haupe! Nähere Meldunge datöo kümmt lööter in noi'en Joahre.

Söo leiwe Plattduitschen, bloiwet jesund, frauhe Woihnachten un kumet jöot noah twädiusendtwäuntwintich,wu woi ösch hoffentlich weer dreep'n könnt !!!

 Jiu’e Albert Behrens iut Sülbke

Staffelübergabe beim Plattdeutsch Forum Südniedersachsen e.V.     

Albert Behrens konnte als Vorsitzender auf der diesjährigen Mitgliederversammlung des Plattdeutsch Forum Südniedersachsen e.V. im Juli 2021 nach mehreren sehr aktiven und intensiven Jahren den Vereinsvorsitz in jüngere Hände übergeben. Ernst Schrader wurde auf der Versammlung in der Mensa der Grundschule Adelebsen von den Mitgliedern zum neuen Vorsitzenden und Karl-Heinz Pieper zu seinem Stellvertreter gewählt.

Der Vorstand bedankte sich bei Albert Behrens für seinen unermüdlichen Einsatz in seinem Amt als Vorsitzender des Plattdeutsch Forums. Er konnte in seiner verbindenden und offenen Art viel für den Verein bewegen, er hat Kontakte zu den benachbarten Vereinen persönlich intensiv gepflegt und war stets unterwegs in der Mission zum Erhalt und der Verbreitung des Plattdeutschen in unserer Region.

Er bleibt nun als Ehrenvorsitzender weiterhin aktiv dem Verein verbunden. Als letzte Amtshandlung sprach Albert Behrens den Dank des PDF aus an Gerda Mickan zum Erhalt der Silbernen Ehrennadel für außergewöhnliches Ehrenamt im Landkreis für ihren unermüdlichen Einsatz in den verschiedenen Bereichen auch für den Erhalt des Plattdeutschen.

34 Mitglieder hatten sich nach einem Jahr coronabedingter Pause zur Mitgliederversammlung in der Mensa der Grundschule Adelebsen versammelt. Nach Kaffee und Kuchen gab es einen Rückblick auf die vergangenen 2 Jahre, in denen mit einer Vielzahl von Aktivitäten trotz der bekannten Einschränkungen weiter für den Erhalt und die Verbreitung unserer regionalen Sprache gearbeitet wurde. Sitzungen fanden z.B.online statt und durch das Angebot eines Online-Sprachkurses ergab sich auch für Mitglieder in der Ferne die Möglichkeit teilzunehmen.

Neue Wege taten sich auf, aber alle Mitglieder und Förderer freuen sich nun wieder auf zukünftige Aktionen wie die Aktion „Freedach isPlattdach" an den Freitagen im September, bei denen es vor Ort heißt: Ek spreeke Platt - mook moa mee!

Laiwer’n Snutenpulli in’n Jessichte, as’n Zettel an’n Faute.

Rundbreif for alle Plattduitschfrünne von'n November 2020

Leiwe Luije,
all länger hebbett woi nich mehr saa veele vonander hört. Dat is schoah, awer et let sek in düssen Toi‘en nich ännern. Woi willt joa jesund bloiben un oie wünschet Jök all’n, dat Jeu wohl uppe sünd un oak in Taukunft fiedeel bloibet!

Dat leste Moal, wo woi mie Jök un chanz veelen annern Plattduitschen tohaupe seeten sünd, was Ende Febawoar in Bühren bee iusen jemaansoamen Dreepen von PdF un ASH. Doa hebbet alle ssecht: „Dat was doch schön!“, un dat stimmet joa oak.

Eijentlich mösste dütt Joahr von’n usen Plattduitsch Forum noch aine Vull­versammlunge awwehoal’n weern, awer dat draff joa nich saa sien wie ssüss.

Doarümme wüllt wee Jök jetze schroib’m, wie iuse Vereinsarbait dat twaite Halwjoahr 2019 un düsset Joahr 2020 aw’elaupen is:

• Plattduitscher Lesewettstriet 2019

Dä Höhepunkt was in’n Juni lestet Joahr in Hannower boi‘en Landesentscheid, as Selma Helene Schmidt iut Schwiegershiusen den iersten Platz gewunnen het. Doavor chaff et en’n Bezirks-, mehrere Kreis- un chanz veele Schaulentscheidungen, däi woi tousammen mie dä Spoarkassenstiftunge un 16 Schaulen in iuse Region organiseert un mie mehr as 100 Kindern ut Südneddersassen duur‘eföhrt hebbet.

• Plattduitsche Veranstaltunge in’n Café Lingua in Einbeck

Vor all’n andern plattduitschen Noahmedaogen un Aobenden in dän lesden annerthalw Joar’n wüllt wee niu dä Veranstaltunge an’n 10. Mai 2019 in Einbeck erwähnen, wo Loni Meinecke un Albert Behrens mie öhren Sketchen en chroatet Publikum chaut amüseern konnen.

• Freedach is Plattdach

In’n Septembere 2019 hennet woi allaane 12 öffentliche Plattduitsch-Veranstaltunge hat, u.a. in Gandersen, Sülbke, Höckeln, Nuurthen, Wolbrandshuisen un Chroat Snaan. Dütt Joahr mossten woi iuse Aktivitäten wejen Corona in’t Internet un in’t StadtRadio Chöttingen verlejen.

• Vorlesedach jeden Novembere in chanz Duitschland

Jeden dridden Freedach in’n Novembere is Vorlesedach un woi mooket doa all fief Joahr mie. 2019 hoebbet woi an 23 Schaulen in‘en Landkreisen Chöttingen un Nuurthen plattduitsche Geschichten vur’elesen.

Düttmoa leset Schaulkindere andern Kindern in’n StadtRadio Göttingen wat vor, an’n 19., 20., 26. un 27. Novembere vormeddachs ümme ölbm (11:00 Uhr) upp Welle 107,1 Mhz. Schaltet moa in un höret tau!

• StadtRadio Göttingen

Bevor et balle regelmäßije Plattduitsch-Sendungen in’n Radio cheeb’m schall, was an’n veerten Septembere all moa aine Ssendung mie Prof.em.Dr.Dieter Stellmacher, Annika Jühne von’n Landschaftsverband, use Vuurssitter Albert Behrens u.a., wo et ümme dä Taukunftsiutssichten von iusen ostfäälschen Platt ching. Oak doa köönt Joi tauhör’n, wenn Joi upp iuse Internetssieten www.plattdeutschforum.de choaht.

• Online Plattdüütsch-Kurs un Online Stammdisch

In düssen Tieten, wo woi ösch nich saa chaut dreepen köönt, hebbet woi mie Videokonferenzen in’n Internet annefungen. Saogoar Luije iut Berlin, Jetzeburg, Frankfurt un iut Dänemark sünd mie doabee. Wenn Joi oauk meemooken wüllt, denne schriewet ainfach ne E-Mail an: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein.

• Plattduitschet Wuurebauk

Unner Federführunge von’n ASH sünd woi mie doabei, en Wuurebauk in iuse ostfälischen Spraoke to verfoaten un oauk tau’n Hör’n upptonöhm’. Aine lüttche Sammlunge von plattduitschen Iutdrücken köönt Joi alle upp iuse Internetssaiten noahlesen. Schroiwet ösch man, wenn Joie noch annere schöine Wuure wettet.

Wejen Corona willt woi iuse Joahreshauptvarsammlunge dütt‘moa per Online-Videokonferenz duurföhr’n un alle Vereinsmitglieder vorher schriftlich doaröber informeern.

Dä twaa jewählten Kassenprüfers sünd von iuse Kassiererin Loni Meinecke all for Anfang Dezember inneload’n wuurn, saa dat woi allen, dä in iusen Veraan sünd, vor Woihnachten noch’n annern Breif schicken un ümme Entlastunge bidden wüllt.

Doamee dat Jök nich langwielich werd, is in düssen Rundbreif oak enne blanke Woihnachtspostkoarte doabee, dä Jo an en Varwandten oder’n chauen Fründ schroiben un verschicken könnt. Wenn Joi noch mehr doavon briuken könnt, oak mie annern Motiven, denne loatet ösch dat wetten.

Woi wünschet Jök allen niu aine schöine, viellichte wirklich moa ruhige Adventstoit. Koomet chaut door un hebbt Geduld. Viellichte könnt woi ösch denn alle in’n nächsten Freuhjoahr moa weer richtich von Angesicht tau Angesicht saihen.

Mie leiwen Groeten ut Sülbke un Oalessen

Jiue Albert Behrens un jiue Andreas Kompart

Rundbreif tau Ostern von'n 6. April 2020

Leiwe Lüje,
wee wünschet Jök Frohe Ostern alle tossammen. Hoalet Johe Ohr'n stief un bliewet alle jessund!

Oak wenn et dütt Joahr door Corona moa ’n betten anders is, wee alle to Huus blieb’m möötet, wee ösek nich dreepen un nich sseihn köönt, ssaa hoopet wee doch, dat et nich allto lange Tied duuert, bet wee weer alle tohoope ssien köönt.

Bet doahenn fällt allet ut – oak use plattdüütschen Veranstaltunge. Doch Loni Meinecke het Jök enne neje Jeschichte von Friedrich Leiffhold ut Einbeck uppeschreeb’m, „De verunglücketen Austeraiere“, dä Jee up use Internetssiete www.plattdeutschforum.de noahlesen köönt. Met aktuellen Hinwiesen, Berichten und plattdüütschen Jeschichten woord dä nu all ower 15.000 Moa anneklicket.

Wee alle hölpet mee, düssen Virus chaut to owerstoahn:

• Wee hoot alle cheern, doarümme choaht wee up Awwstand to usen Noahwers, Varwandten un andern leiwen Minschen – doamee wee alle jessund bliewet un ösek nich ansteeken köönt.
• Wee kööpet bloat in, wat wee bruket, nich ssaa veele Klo-Papejer un kenne Desinfektionsmittele oder choar Schutzkleidunge. Dat jehört in Kliniken un Altersheime.
• Wee stoaht andern Minschen bee, dä Hülpe bruuket, dä allene ssind, krank oder noch andere Ssorjen hoot.
• Wee köönt up manches verzichten. Quarantäne-Tieten ssind Fasten-Tieten. Dat kann oak moa chaut ssien.
• Wee hoot kenne Angest, wee choaht dä Dinge met Verstand un Humor an.

Wee hoopet doch, wee alle sseiht öseck jessund un munter weer, wenn et in’n Juni viellichte dä nächsten plattdüütschen Veranstaltunge cheeb'm kann, an’n 6. Juni use Joahreshaupt­verssammlunge upp’m Schaulböwernhoff in Hevensen.

Mooket alle wejer mee, wenn et doarümme cheiht, use ostfäälschet Platt hoach te hoalen! Doamee, dat Jee alle ower allet – wat Termine un dat Plattdüütsche in’n Alljemaanen ancheiht – aktuell informeeert ssind, klicket ümmer moa weer up use Internet-Ssiete.

Wenn et an Ostern dütt Joahr nich möglich is, ssiene eijenen Kindere un Enkels te sseihn, dä nich mehr in’n Huuse ssind, ssaa choaht man ruut inne Natur un anne frische Luft! Dat Freuhjoahr is doa, dä Himmel blooch, dä Ssunne wärmet use Knookens, dä Blaumens hoot all alle Farben un dä Vöjels zwitschert ümme de Wette.

Bliewet alle kreeje, jessund un munter!

Met leiwen Freuhjoahrs-Chrüßen ut Sülbke un Oalessen
Johe Albert Behrens un Andreas Kompart

Wiehnachtsrundbreif von'n 20. Dezember 2019

Leiwe Lüje,
wee wünschet Jök all’n Fröhliche Wiehnachten un enn Chauet Neejet Joahr 2020!
Bliewet oak in’n nächsten Joahr jessund un munter!

Dat oale Joahr 2019 cheiht nu to Enne un in usen Varein is veele passeert. For use Projekt, plattdüütsche Ssendunge met’n StadtRadio Chöttingen owern Äther to schicken, hoot wee alle Cheld vonne Kultur- un Denkmalstiftunge in Nuurthen kreejen un jetzt oak enne offizielle Bestätijunge for enn’ chroaten Batzen von’n Landschaftsverband Ssüdnedderssassen. Ower usen Antrach bee’n Landkreis Chöttingen werd erst an’n Anfang von’n 2020 entschieden.

Tossammen met use Eijenleistunge – un dä von’n StadtRadio – koomet wee upp düsse Wiese upp ennen Jessamtbetrach von 16.000 €. Doavon köönt wee woll enne chanze Rieje von plattdüütsche Ssendunge produzeern! Wee bruuket doafor ower oak veele Minschen, dä meemooket, un vor allen andern Jök, dä Platt vonne Pieke aww e’elehrt hoot. Jee ssind upperaupen, doabee to ssien, denn et is joa wichtich, dat möchlichst alle varschiedenen „Dörp-Dialekte“ to hör’n ssind. Wee werd Jök anspreeken!

Et chifft ower oak noch’n twaatet Projekt, wat wee in 2020 tossammen met Herrn Pochopien, Schaulmester in Nuurthen, anpacken willt: „Songs for coole Kids“. Dat ssind Musik-Videos met Schaulkindern – upp Platt. Dä Internetssieten www.kopfvollerideen.org chifft all moa enn’ Indruck doavon, oak wenn et doa upp Hochdüütsch is. Oak for düsset Projekt hoot wee alle Cheld vonne Kultur- un Denkmalstiftunge in Nuurthen, von’n Landschaftsverband Südneddersassen un vonne LKJ Hannower (Landesvereinigung kulturelle Jugendbildung) tau’essecht kreejen.

Joa, un Anfang Janowaor dreepet wee öseck oak mee dä ASH (Arbeitsgemeinschaft Südniedersächsische Heimatforschung e.V.), ümme weer enne jemaansoame Freuhjoahrsvarssammlunge upp dä Baane to stöll’n.

Ssaa, dat ssolle et erstemoa ’ewesst ssien. Eck hoope, wee sseiht öseck bee dä aanen oder andern plattdüütschen Varanstaltunge in’n nächsten Joahre. Mooket alle mee, wenn et doarümme cheiht, use ostfäälschet Platt weer under’t Volk to bringen!

Met wiehnachtlichen Chrüßen
Johe Albert Behrens ut Sülbke

Rundbreif von'n 3. September 2019

Leiwe Lüje,
wee willt Jök cheern informeern, wat in usen Varaan chroade ssaa passeert:
In’n Moment hoot wee 56 toahlende Mitglieders. Use Internetssiete www.plattdeutschforum.de met aktuellen Veranstaltungs­hinwiesen, Berichten und plattdüütschen Jeschichten woord in’n ssien ersten Joahr all ower 5000 Moa anneklicket.
Allene doaran kann me sseihn, dat et ssek lohnt, ssek for dä nedderdüütsche Sproake un öhre veelen ostfäälschen Varianten intossetten. Wee ssind doabee, alle munteren und aktiven ‚Plattdüütschen’ ut möchlichst veelen Dörpern tossammen to kreejen un allen enne chaue Plattform antobei’n von dä ut man for alle andern Minschen jewoahr weern kann.
Met varschiedenen Veranstaltungen sseuket wee oak varmehrt Kontakt to jüngeren Minschen, ümme ssei for use nedderdüütsche Sproake to interesseern. Doatau dreepet wee dä Plattdüütsch-Beuppdroachten ut Chöttingen un Nuurten, spreeket met’n Landschaftsverband Südneddersassen, dä Kultur- un Denkmal­stiftunge in Nuurten un dä Spaokassenstiftunge. Mehrstens doabee is dä Beroatersche von’n Landesschaulamte. Met dä ASH (Arbeitsgemeinschaft Südniedersächsische Heimatforschung e.V.) willt wee cheern noch mehr tossammenarbein.
Nu willt wee use Platt oak hörboar mooken. Doatau hoot wee met’n Stadtroadio Chöttingen nen Partner ’efunnen, dä met ösch tossammen professionelle Ton-Upnoahmen mooken will un ssek vorstellt, jede Weeke plattdüütsche Roadio-Ssendungen owern Äther to schicken.
„Ssech mek dat upp Platt“ könne düsse Ssendunge heeten. Doa ssall’n tau’n Beispeel Dörpere un Initiativen ut allen Ecken Südneddersassens vor’estellt weer’n, dä ssek ümme use ostfäälschet Platt kümmern – dat jao owerall weer ’n betten anders ’esprooken werd. Oak ssall et jede Weeke aanmoa Noahrichten up Platt cheeben. Dä, dä Platt vonne Pieke aww e’elehrt hoot, ssind all upperaupen, doabee to ssien, denn et is joa wichtich, dat dao veele varschiedene „Dörp-Dialekte“ tau hör’n ssind.
Ümme dat up’m Wech to bringen, hoot wee mehrere Vorbereitunge droopen un oak met aanijen Lüjen ’esprooken, dä dat veele nötije Cheld doafor locker mooken köönt. Lesdet Joahr tau Wiehnachten ssind all moa plattdüütsche Wiehnachtsjeschichten uppenohmen woor’n un ower’t Roadio to hör’n ’ewesst.

Met hübschen Chrüßen
Johe Albert Behrens ut Sülbke

Jahreshauptversammlung 2019          

 Auf unserer letzten Jahreshauptversammlung am 30. März 2019 in Hevensen wurde u.a. ein neuer Vorstand gewählt.

Unser neuer 1. Vorsitzender ist Albert Behrens aus Sülbeck. Seine Stellvertreter sind Ernst Schrader aus Göttingen-Geismar und inoffiziell auch Karl Heinz Pieper aus Friedland. Neuer Geschäftsführer ist Andreas Kompart aus Adelebsen. Die Kassenwartin Loni Meinecke aus Ackenhausen wurde in ihrem Amt bestätigt. Als Schriftführerin wurde Annette Rummenhohl aus Adelebsen gewählt.

In den neuen erweiterten Vorstand sind als Beiratsmitglieder gewählt: Prof. Dieter Stellmacher aus Göttingen, Werner Grobecker aus Gieboldehausen, Helmut Heuer aus Kreiensen, Angelika Gießke aus Groß Schneen, Gerda Mickan aus Moringen und Harry Arnemann aus Wahmbeck und zusätzlich als inoffizielle stellvertretende Schriftführerin Godela Hesse aus Groß Schneen.

Der Anfang

Ab Mitte 2015 fanden sich etliche Personen zu einer lockeren Verbindung, dem Plattdeutsch Forum Südniedersachsen, zusammen. Sie arbeiteten an der Erstellung eines Konzeptes, das in Schulen, Kindergärten, vielen weiteren Vereinen und Einrichtungen angewandt werden soll, um den Erhalt der plattdeutschen Sprache zu sichern und zu fördern.

Nachstehende Projekte wurden bei ersten Treffen des Plattdeutsch Forums vorgeschlagen:

• Singkreise und Vorlesestunden in Kindergärten
• Lesewettbewerbe und AGs mit Lehrern und Lesepaten an Schulen
• Mehrgenerationenprogramme mit Großeltern, Eltern und Kindern
• Plattdeutsche Veranstaltungen in Kirchen, Altenheimen, bei Kinder- und Jugendfeuerwehren, mit Sportvereinen
• Berufung von ehrenamtlichen Beauftragten zum Erhalt der plattdeutschen Sprache auch im Landkreis Holzminden, wie bereits in den Landkreisen Northeim und Göttingen geschehen.
• Einrichtung weiterer Plattdeutschrunden als Angebote der Kreisvolkshochschulen, wie es sie in Northeim schon gibt.

Wenn wir diese Sprachform hier bei uns in der Anwendung halten wollen, ist es notwendig, Kinder und Jugendliche, wie auch Ihre Eltern, mit dieser Sprache vertraut zu machen. Sie müssen wissen, wer wir sind und woher wir kommen. Auch ist es äußerst wichtig, die Kenntnisse der älteren Generation einzubinden, solange die Sprache noch gesprochen wird – sei es als Ratgeber oder Lesepaten in Vereinen oder anderen Einrichtungen.

Im Verlaufe der ersten Treffen stellten wir fest, dass allein mit einer losen Verbindung diese Aufgabe so einfach nicht zu lösen ist. Daher entschlossen wir uns, den Verein „Plattdeutsch Forum Südniedersachsen“ zu gründen.

Die Gründungsversammlung  fand am 19. Januar 2017 in Northeim mit Beteiligung von 27 Gründungsmitgliedern statt.

Wie et anfung:

In‘ner Midde vun’en Joahre 2015 funnen seck einige Minschen tou ainer laousen Verbinnunge, dem Plattduitsch Forum Südneddersassen, tousammen. Sej arbei‘eten an‘ner Erstellung von en Konzept, weckes in Schaulen, Kinnergaren un veelen woieren Vereinen un Inrichtungen an‘ewandt weren schöll, ümme den Erhalt von iuse plattduitsche Sproake sicher tou stellen un tou fördern.

Düsse Projekte wören boi den iersten Drepen von‘en Plattduitsch Forum vur‘esloan:

• Singkreise und Vorlesestunden in Kindergaarn
• Lesewettbewerbe und AGs mit Lehrern und Lesepaten an de Schauln
• Programme mit Grautöllern, Öllern un Kinnern
• Plattduitsche Veranstaltungen in Kerken, Aulenheimen, boi Kinner- un Jugendfiuerwehren, mie Sportvereinen
• Berufung von ehrenamtlichen Beupdragten toun Erhalt von iuse plattduitschen Sproake, auk in‘en Landkreise Holzminden, wie schoun in‘en Landkreisen Northeim und Göttingen passeert.
• Inrichtung woi‘erer Plattduitschrunden as Angebote von de Kreisvolkshouchschaulen, wie et se in Northeim schon gifft.

Wenn woi düsse Sproake hoier boi ösch in Gebriuke haulen willt, is et noutwennig, Kinner un Jugendliche, wie auk ühre Öllern, mit düsser Sproake vertraut tou maaken. Sej möttet wetten, wer woi sind un woher woi kumet. Auk is et äußerst wichtig, de Kenntnisse von de ölleren Generation intoubinnen, solange düsse Sproake noch espruken werd – sei et as Ratgieber or Lesepaten in Vereinen or anneren Inrichtungen.

Boi iusen iersten Drepen stelleten woi fest, dat alleene mie ner lousen Verbinnung düsse Upgabe sou einfach nich tou lösen is. Darümme entschliuten woi ösch, den Verein „Plattduitsch Forum Südnedderschsen“ tou gründen.

De Gründungsversammlunge fand am 19. Januar 2017 in Northeim mie der Beteiligung von 27 Gründungsmitgliedern statt. Intwischen het iuse Verein aktuell 56 Mitglieders aut iuser Region.

Woi freuet ösch sehr, wenn woi noch mehr Minschen boi ösch in Südneddersassen för de plattduitsche Spraoke interessieren un viellichte sogar begeistern könnet. Dabei sind woi besunners dankbar för jede wie‘ere ideelle, wie auk finanzielle Understützunge.

As en anerkannten gemeinnützigen Verein dräubet woi auk boi Geldspenden entspräkende Bescheinigungen iutstellen.