Aktuelles

Vatell moal up Platt!

… was in düssen Septembere weer dat Motto von usen fief plattdüütschen Vatellcafés, düttmoa in Chroat Ssnaan, Höckeln, Barterooe, Arften un Sülbke - un et hät ösek - wie lestet Joahr oak - weer derwe Spoaß e'mooket!

Nümmt me noch dä plattdüütschen ökomenischen Chottesdienst upp'm Heuherbarje bee Wollbrandshusen doatau un dä plattdüütschen Veranstaltunge in Hardegsen inne Schaule un in Schlarpe in'n Dörpjemeindschaftshuse, wo et enne plattdüütsche "Musikalische Zeitreise" chaff, denn wöör'n insjesamt mehr as wie 480 junge un oale Lüjje bee use Aktion "Freedach is Plattdach" doabee - un dat hee aleene bee ösek in Südnedderssassen!

Nächstet Joahr ssall et weer ssau ssien. Un wenn et denn het: "Vatell moa upp Platt!", denn ssünd Jee chanz jewiss woll oak moa - oder all weer - doabee!

21.09.18 Mehrgenerationenhaus Groß Schneen 1
28.09.18 Hof Behrens Sülbeck 1

Südniedersachsentage am 15. und 16. September in Waake

Chroatet Interesse an usen ostfäälschen Platt!

„Verstehen kann ich es ja, aber sprechen kann ich es nicht.“ Düssen Utspruch konnen wee von dä mehrsten Lüje hör’n, dä an usen Stand in Woake keimen – un doavon chaff et wirklich jede Menge!

Wee wör’n owerwälticht, denn ssau veele Minschen interesseerten ssek for use ost-fäälschet Platt un hörten ösek uppmerkssoam tau, wenn wee ssei wat upp Platt vartellten.

Joo – un ssaa manch aaner brochte denn oak ssiene Tunge weer in Chang un konne upp aanmoa doch ssülmest Platt spreeken. En jungen Mann ut Hemmeln hät ösek ssaachoar en plattdüütschet Jedichte vore’drooren!

Wie me upp dän aan’ Bille sseihn kann, hoot ösek oak MdB Thomas Oppermann un Landrat Bernhard Reuter bessocht.

Allen, dä wee an’n Stand von’n usen Plattdüütsch Forum wör’n, hät et chanz veele Spoaß e’mooket! Un ssolle ssaa enne Utstellunge moa weer ssien, denn ssünd wee bestimmt oak weer doabee.

Elke und Hartmut Hartje (Höckelheim), Andreas Kompart (Adelebsen), Godi Hesse, Karl-Heinz Pieper, Angelika Gießke, Annegret Bielefeld (Groß Schneen) Heidrun Hengst und Adolf Schmidt (Gillersheim)

Foto 1
Foto 4